ТАТАРСТАНЛЫЛАРНЫҢ УРТАЧА ГОМЕР ОЗЫНЛЫГЫ 79 ЯШЬКӘ ҖИТӘЧӘК

2024нче елга Татарстан халкының уртача гомер озынлыгы 79 яшькә кадәр җитәргә мөмкин. Бу турыда Татарстан Республикасының Сәламәтлек саклау министры Марат Садыков хәбәр итә.

Моңа ирешү өчен министрлык “Сәламәтлек саклау” исемле милли проект тәкъдим итә. Бу проект кысаларында татарстанлылылар, җитди авыруларны алдан билгеләү максатыннан, профилактик медосмотрлар үтәчәк. 18-39 яшьлекләр мондый медосмотрны өч елга бер тапкыр, ә 40 яшьтән узганнар һәр ел саен үтәргә тиеш булачак.

Кешеләр үлеменең иң төп сәбәпләреннән берсе булып йөрәк авырулары тора. 2024нче елга бу төр авыручылардан үлүчеләр саны 600дән 450гә генә калыр дип көтелә. Моңа ирешү өчен, яңа хастханәләр, тикшеренү үзәкләре ачылачак.