ШӘҺӘР КӨНЕНЕҢ ХЕДЛАЙНЕРЛАРЫ – FEDUK ҺӘМ ЛЭЙНА!

30нчы августта Казан шәһәренең 1014 еллыгы билгеләп үтеләчәк. “Казан” гаилә үзәге янында узачак концерт программасының хедлайнерлары арасында Feduk, Лэйна, “Pompeya” һәм “Рондо” төркемнәре бар.

Бәйрәм көнендә концерттан тыш башка кызыклы чаралар булуы да көтелә. Меңьеллык мәйданында быел алтынчы тапкыр Kazan city racing исемле авто-мотошоу узачак. Тамашачылар 50 мотоциклчы катнашындагы колоннаны карый алачак. Казан Кремлендә шәһәр мәдәнияте һәм сәнгате фестивале, TatCultFest узачак, әлеге чараның хедлайнерлары – Аигел һәм Альберт Нурминский.

Бәйрәм 20:00да традицион рәвештә салют белән тәмамланачак.