ИСЕМ – ЯЗМЫШ ТАМГАСЫ: БАЛАЛАРГА ИҢ ЕШ КУШЫЛА ТОРГАН ИСЕМНӘР

Бу атнада Татарстанда 439 бала дөньяга килгән. Аларның 243е – малай, 196сы-кыз. Әлеге балаларга кушылган исемнәр арасыннан иң үзенчәлеклеләрен мериянең официаль порталында хәбәр итәләр. 

Иң сирәк һәм үзенчәлекле исемнәр рәтендә  Николь, Дарий, Габриэлла, Хәнифә, Афина, Таһир һәм Рим исемнәре бар. Иң еш кушылган исемнәргә исә, Әминә, Артем, Марк, Андрей, Алмаз, Дарина исемнәре керә. Бу атнада балалы булган иң яшь әти-әнигә – 19 яшь кенә. Иң олы әнигә исә, 44 яшь.